ChillRelaxHK終於一周年啦
多謝大家一直嘅支持
無你地支持就真係唔會有我
可以繼續落去真係要好多謝你哋成就到我夢想唔係一年就真係Sa u la la
有時真係好想記錄下點解會有呢間鋪同埋呢一年係點樣渡過～
黎間店鋪誕生係疫情最嚴重既2022年，係我仲係美容院打緊工嘅時候成日因為政府規例停業total都唔知停咗4次定5次
停業太得閒果陣我就係到諗
想襯後生試下開間小店仔自己做下
比一年時間自己試下反正都係呢行打滾左咁耐
然後不斷計劃，睇鋪睇左幾日就好快租左
因為個時d鋪位成日諗住諗一晚再決定租唔租
第二日就好快無左🥲基於咁嘅情況底下
我一睇到依家間舖就有種感覺覺得喺呢度啦
就即刻決定租咗呢度啦 成件事發生得好快
不過真係諗返轉頭唔係因為咁
真係唔知幾時先終於踏出呢一步
真係好開心人生做到自己做想既野
識到好多好客 個個都好好人
好多都變到朋友 好開心
所以大家如果真係有夢想
不妨真係做咗先 就算係唔順利都好
你都絕對唔會後悔自己試過
因為真係唔試你完全唔知會係點
只要堅持落去 好多嘢都會夢想成真
